သန်းကြွယ်သဌေး၏နောက်ဆုံးခရီး

သန်းကြွယ်သဌေး၏နောက်ဆုံးခရီး
±±±±±±±±±±±±±±±±±±

( ဖြစ်ရပ်မှန် )

ဒီဝထ္ထုသည်နိုင်ငံခြားစာရေးဆရာအန်ဒရစ်ရေး၍ဆရာဇော်ဂျီမြန်မာပြန်ထားသောစာအုပ်ဖြစ်ပါသည်။

ယခုအခါစာရေးဆရာကြီးတိုက်စိုးကအနှစ်ချူပ်ပြန်ရေးထားပါသည်။ဒီနေရာမှာကိုယ့်အကြောင်းအရင်ရေးပါမယ်

ကိုယ်သည်ငယ်စဉ်ကထဲကစာဖတ်တာအလွန်ဝါသနာပါသည်။တွေ့သမျှစာအကုန်ဖတ်သည်။

ငယ်ငယ်တုန်းကထဲကစာဖတ်ဝါသနာပါ၍အဖေ့ရုံးသို့လိုက်သွားလေ့ရှိကာ

ရုံးစာကြည့်တိုက်မှကလေးစာပေများဖတ်ရသည်ကိုအလွန်နှစ်သက်သည်။

ရုပ်ပုံပါသောအင်္ဂလိပ်ပုံပြင်စာအုပ်ကလေးများစာကြည့်တိုက်မှအိမ်သို့ဌားလာပြီးမဖတ်တတ်သဖြင့်

အဖေအားတဲ့အချိန်ကိုအရိပ်တကြည့်ကြည့်ဖြင့်စောင့်ကာဖတ်ခိုင်း၍နားထောင်ရသည်။

စာကောင်းကောင်းဖတ်တတ်လာတော့သူငယ်ချင်းအိမ်ကစာအုပ်အဌားဆိုင်ကမပြန်ပါ

ထိုမှနဲနဲကြီးလာတော့တထောင့်တညလိုဘာသာပြန်ပုံပြင်စာအုပ်ကြီးအထူကြီးအားထမင်းမစားပဲ

တနေကုန်ထိုင်ဖတ်တတ်လာသည်ထိုမှတဖန်စာပေမျိုးစုံဖတ်သည်သို့ပေမဲ့အချစ်ဝထ္ထုများတော့မဖတ်ပါ

ကိုယ်တို့အိမ်ဘေးမှစာပေစုဆောင်းထားသည်စစ်ဗိုလ်ကြီးတဦးအိမ်မှဆရာကြီးရွေဥဒေါင်း၏

စုံထောက်မောင်စံရှားဝထ္ထုများအားအလွန်သဘောကျသည်ထမင်းမေ့ဟင်းမေ့သွားဖတ်လေသည်။

တဖန်ရပ်ကွက်ထဲမှဆေးဆရာအဖိုးကြီးတယောက်အိမ်တွင်ဂမ္ဘီရဝထ္ထုများသရဲတစ္ဆေစုန်းစာအုပ်များကို

ဖတ်ချင်ပြန်သည်ထိုအဖိုးကြီးကသူ့စာအုပ်များဘယ်သူ့မဌားပါပေးလဲမပေးဖတ်ပ

ါစာအုပ်များသည်လဲဟောင်းနွမ်းဆွေးမြေ့နေပြီဖြစ်သည်။

ထိုအခါစာအလွန်ဖတ်ချင်သောကိုယ်ကသူ့မြေးမလေးအားခင်အောင်ပေါင်းကာ

ကိုယ့်စားမဲ့မုန့်အားသူ့ကိုကြွေး၍သူ့့အဖိုးစာအုပ်များအလစ်ယူခိုင်းကာ

သူ့့အဖိုးစာအုပ်များအားခိုးဖတ်ရလေသည်သူ့့စာအုပ်များထဲမှကဝေပျံမိချောစုန်းမကြီးဒေါ်အိုဇာ

12ကြိုးမယ်သုံအစရှိသောစာအုပ်များကိုအလွန်စိတ်ဝင်စား၍ဖတ်၍ကောင်းပါသည်။

ထိုမှတဖန်ဆရာမင်းင်္သခစာအုပ်များနှင့်အခြားဘာသာပြန်စာအုပ်များကိုလက်လှမ်းမှီသ၍ဖတ်သည်။

နောက်ပိုင်းမှာတော့အဖေသည်ပညာရေးဆောင်းပါးများပညာတန်ဆောင်များနှင့်

အခြားပညာရေးအကြောင်းရေးသောစာအုပ်များတွင်စာရေးဆရာမြတ်မိုးနံမည်ဖြင့်

စာရေးဆရာဖြစ်လာသောအခါစာပေလောကမှစာရေးဆရာကြီးများ၏လက်ဆောင်ပေးသော

သူတို့စာအုပ်များအိမ်တွင်အပုံအပင်ရောက်လာလေသည်စာဖတ်ဝါသနာပါသောကိုယ်ကတော့

အားသည့်အချိန်တိုင်းစာအုပ်ပုံထဲခေါင်းနှစ်ကာစာဖတ်လေ့ရှိပါသည်။

စာဖတ်ခြင်းအကျိုးကျေးဇူးကြောင့်ကိုယ်ကတကျောင်းလုံးမှာမြန်မာစာစာစီစာကုံပြိုင်ပွဲများတွင်ပထမရလေသည်။

ကိုယ်ကျောင်းတတ်လာသည့်ကာလတရှောက်မြန်မာစာကိုမကျက်ပါဖတ်ပဲဖတ်ပါသည်။

စာမေးပွဲတွင်ဖတ်ထားသောစာကိုကိုယ့်ဟန့်နှင့်ကိုယ်ပြန်ရေးသောကြောင့်သူများထက်စောစွာပြီးကာ

ဂုဏ်ထူးရပါသည်ကိုယ်သည်စာကိုမကျက်ပဲနားလည်အောင်ပဲဖတ်ပါသည်။

ဒီလောက်ဆိုရင်ကိုယ်ရဲ့စာပေဗဟုသုတနိဒန်းလဲရှည်သွားပါပြီသီးခံဖတ်ပေးတာကျေးဇူးတင်ပါသည်။

်ကိုယ်ကပျင်းတဲ့အခါတိုင်းကိုယ့်အဖေရဲ့စာအုပ်ပဒေသာပုံကြီးဟာကိုယ့်အတွက်အပျင်းပြေအဖော်ကောင်းပါပဲ

အိပ်ခန်းတခန်းစာလောက်ရှိတဲ့စာအုပ်ပုံထဲမှလတ်တလောဖတ်မိတဲ့စာတပုဒ်ကိုကြိုက်နှစ်သက်၍ပြန်လည်တင်ပြပေးခြင်းဖြစ်ပါသည်

လူ့ဘဝရဲ့မြန်ဆန်သောပြောင်းလဲမှု့ကိုသံဝေဂရစရာစာအုပ်ကောင်းဖြစ်ပါသည်
__________¥¥¥¥________

ဆန်ဖရန်စစ္စကိုမြို့မှသန်းကြွယ်သဌေးကြီးသည်ဇိမ်ခံသင်္ဘောကြီးစီး၍ဥရောပတိုက်သို့အပန်းဖြေခရီးထွက်လေသည်။

သင်္ဘောစဉ်ခရီးတရှောက်လုံးကပွဲ-ထမင်းစားပွဲ—နှင့်အထူးထူးအထွေထွေဧည့်ခံပွဲများက

သဌေးကြီးကိုအလွန်အရသာတွေ့စေသည်ဒီလိုနဲ့အီတလီနိုင်ငံကိုရောက်သော်ထိုမြို့က

ကြည့်စရာပြတိုက်များလေ့လာလည်ပတ်၍ပြီးနောက်အနားယူအပန်းဖြေစခန်းဖြစ်သော

ကာပရီကျွန်းငယ်သို့သဌေးကြီးသည်ရောက်ရှိသွားလေသည်။

သဌေးကြီးသွားရာလမ်းတရှောက်တွင်ကြိုဆိုသူတွေကမနည်းဧည့်ခံမိတ်ဖွဲ့ချင်သူတွေကအပုံအပင်

သန်းကြွယ်သဌေးကြီးဆိုတော့နောက်လိုက်နောက်ပါအခြွေအရံကိုယ်ရံတော်များစွာဖြင့်

တခမ်းတနားစည်ကားသိုက်မြိုက်စွာနဲ့ကာပရီကျွန်းဟိုတယ်သို့ရောက်ရှိသွားလေသည်။

ကာပရီကျွန်းဟိုတယ်ပိုင်ရှင်ကလည်းတလေးတစားဧည့်ခံကြိုဆို၍အကောင်းဆုံး

ဟိုတယ်အခန်းတွင်ထားပေးလေသည်သို့ပေမဲ့လူ့ဘဝသည်ပုံသေခန့်မှန်း၍မရပေ

ထိုညတွင်သန်းကြွယ်သဌေးကြီးသည်လေဖြတ်ကာအသက်ပျောက်သွားလေသည်။

သဌေးကြီးအသက်ပျောက်သွားတော့ဟိုတယ်ပိုင်ရှင်ကတခြားတည်းခိုသူများအဖို့

အမင်္ဂလာဖြစ်မည်စိုးရိမ်ပြီးသဌေးကြီးအလောင်းအားအခန်းငယ်ကလေးထဲသို့ချက်ချင်းပြောင်းပြစ်လိုက်သည်။

အလောင်းထည့်ရန်အခေါင်းအားလဲဆော်ဒါပုလင်းများထည့်သည့်သေတ္တာကိုအသုံးပြုကာ

သဌေးကြီးအလောင်းအားထိုအခေါင်းထဲထည့်လိုက်၍အခေါင်းသွင်းထားလိုက်သည်။

နောက်တနေ့မနက်လူတွေမနိုးခင်တွင်ဘယ်သူမှမသိအောင်အလောင်းအားမြင်းလှည်းဖြင့်

ကမ်းခြေသိုပြန်ပို့စေသည်မြင်းလှည်းကလဲအစုတ်ဆိုတော့သဌေးကြီးအခေါင်းသည်

တဂေါက်ဂေါက်တဂက်ဂက်ဖြင့်မြင်းလှည်းဆောင့်ရင်းပါသွားလေသည်။

တဖန်အခန့်မသင့်၍ဆိပ်ကမ်းကုန်ရုံတရုံပြီးတရုံသို့သဌေးကြီးအခေါင်းသည်ပြောင်းရပြန်သည်။

နောက်ဆုံးတွင်ဇာတိဌာနေအမေရိကန်ပြန်ဇိမ်ခံသင်္ဘောကြီး၏ဝမ်းတွင်းမှောင်မှောင်မဲမဲထဲသို့

ရောက်ရှိသွားလေသည်သင်္ဘောကြီး၏အပေါ်ထပ်မှာတော့လူများစည်ကားနေကာ

ခန်းမကြီးအတွင်းမူကားမီးရောင်စုံများထွန်း၍ကပွဲများ-ထမင်းစားပွဲများကတော့ရှိမြဲရှိနေဆဲပါ

အလာတုန်းကသန်းကြွယ်သဌေးကြီးအားလဲမည်သူမှအမှတ်ရမည်မထင်ပါ

အလာတုန်းကလူပုံအလယ်တင့်တယ်နေသောသန်းကြွယ်သဌေးကြီးသည်

ယခုအပြန်မှာတော့မှောင်မှောင်မဲမဲသင်္ဘောဝမ်းဗိုက်ထဲမယ်တစ်ယောက်ထဲအသက်မပါပဲလဲလျောင်းနေသည်မှာ

လူ့ဘဝရဲ့ငြီးငွေ့စရာဘဝစက်ဆုပ်စရာပင်ဖြစ်ပါသည်နေ့မြင်ညပျောက်လူ့ဘဝအားသံဝေဂရသဘောပေါက်မိပေသည်

လူတယောက်ပျောက်သွားပေမဲ့လောကကြီးကတော့ဘာမှမပြောင်းလဲသာယာမြဲပါပဲ

ပြီး