မယားရှိမုဆိုးဖို>လင်ရှိမုဆိုးမ(စ/ဆုံး)
—————————————
ကျွန်တော်နာမည်ကတော့ လူလေး ဦးလူလေး
ကျွန်တော်မှာသားနှစ်ယောက်ရှိပါတယ်
မိန်းမလာ ရှိတာပေါ့
မိန်းမနဲ့လာ ဘယ်လိုပြောရမယ်လည်း
အတူတော့နေပါတယ် ရှုပ်သွားလား
ကျွန်တော့စကားက
ဒီလိုဗျာ ကျွန်တော်အဖြစ်က
သားတွေငယ်တုံးက မိသားစုထက် အပေါင်းအသင်း အသောက်အစားကိုပိုဦးစားပေးခဲ့လို့
ခုတော့ မယားရှိမုဆိုးဖိုပေါ့ဗျာ
ဟား ဟား ဟား
မရီနဲ့ဗျာ တကယ်
အစကတော့ပြန်အဆင်ပြေအောင်အမျိုးမျိုးကြိုး
စားခဲ့တယ် ရေမှာအရုပ်ရေးသလိုမျိုး အရာမထင်ခဲ့ပါဘူးဗျာ ဒါလည်း ကျွန်တော်ကြောင့်ပါ
လူတိုင်း လူတိုင်းမှာ သူအကြောင်းနဲ့သူရှိကြပါ
တယ် အမြင်တခုနဲ့ဆုံးဖြတ်လို့မရတဲ့အထဲ့မှာ
အိမ်ထောင်ရေးလည်းပါတယ်ဗျာ
အစကတော့သောက်လာတိုင်း အမျိုးမျိုး အပြစ်တင်ရန်လုပ်တယ် သူကမခေါ် မပြောပဲနေလေစိတ်ကပိုတိုလေပေါ့ဗျာ
သူကနေနိူင်ပင်မဲ့ မနေနိူင်တာက ကျွန်တော်ဗျာ ကျွန်တော် သူကတော့ သူကမ္ဘာမှာသူ ပျော်နေပြီပေါ့ မပျော်နိူင်တာက. ကျွန်တော်ပဲပေါ့ဗျာ ကျွန်တော်ပဲပေါ့
အစကတော့သောက်တယ် သောက်မှမူးမယ်
မူးမှအပြစ်တင်စကားပြောလို့ရမယ် ဒါကြောင့်သောက်တယ်
သောက်ပြီးကျွန်တော် မကျေနပ်ချက်တွေ ပြောခဲ့တယ် အကြိမ်ပေါင်းမနည်းတော့ပါဘူး
ကျွန်တော်စကားတွေက သဲထဲ့ရေသွန်သလိုပါပဲဗျာ
ပြန်ရတာကတော့ တကြိမ်အပြစ်တင်သောင်းကျန်းလေ တကြိမ်သူက ပို ပိုမုန်းလာလေပဲ
သူမုန်းမှန်း ဘယ်လိုသိလည်း ဟုတ်လား
သူပါးစပ်ကကို ထုတ်ပြောခဲ့တာ
ကျွန်တော်ပျော်ချင်တယ်ဗျာ ဘယ်လိုလုပ်မှပျော်နိူင်မှာလည်း တကယ်တော့ပြန်စဉ်းစားကြည့်တယ် ဒီလိုမပျော်အောင် ဘယ်သူလုပ်ခဲ့တာလည်း
ကျွန်တော်မိန်းမလား မဟုတ်ဘူးဗျာ မဟုတ်ဘူး
ကျွန်တော်မပျော်အောင် လုပ်ခဲ့တာက ကျွန်တော်ပါပဲ ဟုတ်တယ် ကျွန်တော်မပျော်အောင် ကျွန်တော်ပဲလုပ်ခဲ့တာ စကားရှုပ်သွားလား
စဉ်းစားကြည့် ကို့်ယ့်ကောင်းတာလုပ်ရင် ကောင်းတဲ့အကျိုးကိုခံစားရမယ် မကောင်းသာလုပ်ရင် မကောင်းတဲ့အကျိုးကိုခံစားရမှာပဲလေ မဟုတ်ဘူးလား
အရင်အချိန်တုံးက သွားချင်ရာသွား နေချင်သလိုနေ မူးလာရင်ရန်ရှာသေး ကိုယ့်ထိလုပ်ရောက်ကလုပ်သေးတဲ့ကျွန်တော်ကို သူခုလိုလုပ်တာမဆန်းပါဘူးလေ
သူကပြောတယ် ကျွန်တော်လည်း ကျွန်တော်ဖာသာနေ သူလည်းသူဖာသာသူ နေမယ်တဲ့ အဟား အရမ်းရီရတယ်နော်
သူစကားကိုပြန်ပြီး မတုံပြန်နိူင်ခဲ့ပါဘူး
အရင်ကသူမကြိုက်လို့ဖြတ်ထားတဲ့အရက်ကိုပြန်သောက်နေမိတယ် အဲ့လိုပြောလို့ယုံလား
အရက်သောက်လွန်းလို့ အစာအိမ်မှာအနာဖြစ်လို ဆက်မသောက်ရဲတော့တာ သူမကြိုက်လို့မသောက်ဘူးပြောရင် စိတ်ပြန်လည်လာ မလားလိ့ု
ယောကျ်ား မာယာသုံးကြည့်တာ
အလကား ယောကျာ်းမာယာထက် မိန်းမတယောက်ရဲ့အတွင်းစိတ်ကပိုကြောက်ဘို့ကောင်းတယ် ဘာပြန်ပြောတယ်ထင်သလည်း
ကျွန်တော့်မိန်းမက. သေရမှာကြောက်လို့မသောက်တာ မဟုတ်လားတဲ့
မြတ်စွာဘုရား အကြားအမြင်များရနေသလား ဒီမိန်းမ. ထားလိုက်ပါ သူနဲ့ကျွန်တော်အကြောင်း
တအိမ်ထဲ့မှာအတူတူနေတယ် .သူလည်းသူဖာသူနေ ကျွန်တော်လည်းကျွန်တော်ဖာသာနေလာခဲ့တော့တယ် .တခါတလေတော့ရစ်တုံးပဲပေါ့ ကျွန်တော်က သူကတော့မတုန်မလှုပ်
ကျောက်ဆစ်ရုပ် ကျောက်ဆစ်ရုပ်ကြီးပေါ့ဗျာ
သားကြီးနိူင်ထူးကအိမ်ထောင်ကျသွားပြီ
သားငယ်နိူင်လင်းကတော့ လူပျိုလေးပေါ့ဗျာ
သားကြီးကဘွဲ့ရ ရုံးဝန်ထမ်း
သားငယ်ကကျွန်တော်နဲ့အတူတူ အလုပ်တွဲလုပ်နေတယ် သားကြီးကအနေအေးတယ် တနေ့လုံးနေလို့ စကားတခွန်းမပြောဘူး လူအေး
သားငယ်ကဆန့်ကျင့်ဘက် စကားသွက်တယ်
ကျွန်တော်နဲ့သူကြားမှာ သားငယ်က ကြားခံ
သားငယ်က မဟုတ်တာပြောရင် မကြိုက်ဘူး
သူကအဖေကော အမေကောချစ်တယ်
ကျွန်တော်တို့အဆင်မပြေတာလည်း သိတယ်
တခါတလေ ဝေဖန်တယ် ကျွန်တော်ကို
ကိုယ့်သားကဝေဖန်ပေမဲ့ ဖအေတယောက်အနေနဲ ပြောစရာ စကားမရှိပါဘူး ငယ်ကတဲ့ကဖအေက မအေကိုဘယ်လိုလုပ်ခဲ့တာ သူအသိဆုံးပါပဲ
“သားငယ်ရေ ထတော့ အလုပ်သွားရတော့မယ်´
ကျွန်တော်အိပ်ရာထရေချိုးအပြီး သားငယ်ကိုနိုး
သားအဖနှစ်ယောက် စားစရာရှိတာစားပြီး အလုပ်ကိုထွက်လာခဲ့တော့တယ်
သားငယ်ကနောက်ဆုံးနှစ်လေ ကိုဗစ်ဖြစ်လို့ကျောင်းမတတ်ဖြစ်တာ သားငယ်နဲ့အလုပ်အတူတူသွား အတူတူပြန်လာ ထမင်းစားတော့လည်း အတူတူT.vကြည့်တော့လည်းအတူ အိပ်တော့လည်းအတူတူ ဒီသားငယ်ကို အမှီပြုနေခဲ့တော့တယ်
“ဟင် သားငယ်ပါလား နောက်ကကောင်မလေးတယောက်ကိုတင်သွားပါလား´´ဦးလူလေးမြို့ထဲ့ပစ္စည်းသွားအဝယ်
အိမ်ပြန်ရောက်တဲ့အထိ ပြန်မလာသေး
တော်တော်ကြာမှ ပြန်လာတော့တယ်“ဘယ်ကပြန်လာတာလည်း သားငယ်´´
“သူငယ်ချင်းတွေဆီပါ ဖေဖေ´´
ညာတယ်သားငယ် .သားငယ်ညာတယ် ဦးလူလေးသားကိုကြည့်ရင်း
“ဖေဖေ. ဖေဖေ´´
“ဟင် ဟင် ဘာတုံး´´
“ဒါကဘယ်လိုလုပ်ရမှာလည်း မေးနေတာမဖြေပဲဘာငေးနေတာလည်းဖေဖေက´´
“အော် ´´
သားငယ်လေးရည်းစားတွေရနေပြီလား
အင်းပေါ့လေ သားတောင်အရွယ်ရောက်နေပြီပဲလေ
သားလေး ကျွန်တော်ကိုခွဲသွားမှာ ကျွန်တော်အရမ်းကြောက်တယ်ဗျာ အဖော်မဲ့ အထီးကျန်နေတဲ့ဘဝလေးကို သားငယ်လေးရှိလို့နေပျော်နေတာ
သားငယ်လေးသာအိမ်ထောင်ပြုသွားရင်
ဘုရား ဘုရား အတွေးနဲ့တင် စိတ်ပင်ပန်းလိုက်တာ
မကြားချင်ဆုံးစကား အကြောက်ဆုံးရက်ရောက်ခဲ့ပြီ“ဖေဖေ သား အိမ်ထောင်ပြုတော့မယ်´´
.“ဟင်´´
ရင်တခုလုံးတုန်ဟီးသွားမိတယ် သားငယ်မျက်နှာမော့ကြည့်ရင်း“အင်းပါ အင်း´´ပြန်ပြောနေမိပင်မဲ့
သားငယ်စကားမကြားတချက် ကြားတချက်ဖြစ်နေမိတယ်
“ဖေဖေ ထမင်းစားသာနည်းလှချီလား စားမကောင်းဘူးလား´´
“နေလည်ကစားသာများသွားလို့ပါသားရယ် စား စား´´
ဘာလုပ်သင့်လည်း ကျွန်တော်
ကျွန်တော်တွယ်တာခဲ့တဲ့ အမှီလေး
ထမင်းစားရင်း စကားတွေ တီတီတာတာပြောတတ်တဲ့ အမှီလေး
T.vကြည့်ရင် အနားမှာဖုန်းတလုံးနဲ့အဖော်ပြုပေးနေတဲ့ အမှီလေး
အလုပ်သွားရင် နောက်ကနေပစ္စည်းတွေကူသယ်ပေးတဲ့ အမှီလေး
ဘာလုပ်ရမယ်လည်း ကျွန်တော်
ဘာလုပ်သင့်လည်း ဖြေပေးကြပါအုန်းဗျာ
သူမရှိရင် ကျွန်တော် ဘယ်လိုနေရမှာလည်း
မသာယာတဲ့ကျွန်တော်ဘဝကို အလင်းပေးခဲ့သူ
ခု အဲ့အလင်းကပျောက်ကွယ်သွားတော့မယ်ဗျာ
ပျောက်ကွယ်သွားတော့မယ်
ဦးလူလေး အတွေးတွေနဲ့မွန်းကြပ်နေမိတော့တယ်
ထွေးမြိုင်
ကျွန်မနာမည်က ဒေါ်ထွေးမြိုင်
ကျွန်မဦးလူလေးရဲ့မိန်းမပေါ့
ဟုတ်ပါတယ် ကျွန်မအိမ်ထောင်ရေးလာ အဆင်မပြေပါဘူး ဘယ်သူအမှားလည်းဟုတ်လား
လောကမှာဘယ်သူမှ အမြဲ မမှန်ကြသလို
ဘယ်သူမှလည်း အမြ ဲ မှားမနေကြပါဘူး
တူညီတာ တခုကတော့
ကိုယ့်ဒဏ်ရာက ပိုနာတတ် ပါတယ်
ဟုတ်တယ်မလား ကျွန်မပြောတာ
ချစ်လို့ခင်လိုယူခဲ့ကြတယ်
ပြန်ရတာက နာကျင်ခြင်းတွေ
သီးခံခဲ့တယ် သားတွေမျက်နှာနဲ့
အိမ်ထောင်သက်ကြာရှည်လေ ခံစားရတဲ့ဝေဒနာကပိုပို ဆိုးလာလေပါပဲ
ဘာလို့လည်း
ယောကျာ်းတွေကြတော့ ဘာလုပ်လုပ် တင့့်တယ်ကြတယ်
ပြန်လာချင်တဲ့အချိန်မှ ပြန်လာ
ဘာလို့ခုမှပြန်လာတာလည်း
အပြစ်တင်ရန်လုပ်တဲ့သူ မရှိဘူး
မိန်းမတယောက်ပြန်လာချင်တဲ့အချိန်ပြန်လာ
သေချာတာကတော့ ရန်လုပ်ပြီး
် နားညီးအောင် အပြစ်ပြောတော့မယ်
သံသယတွေနဲ့ စွဲချက်တင်တော့မယ်
ကျွန်မအရွယ်ကောင်းစဉ် သားတွေငယ်စဉ်
မိသားစုထက် အသောက် အပေါင်းအသင်း
အဓိက သူက
ဇနီးမယားဘဝရောက်သွားပြီဆိုကတဲ့က
ကျွန်မတို့မိန်းမသားတွေက အရာရာအဖြည့်ခံပါပဲ
ကျေနပ်ပါတယ် ချစ်တာကို
ယောကျာ်းတွေကချစ်တာကိုအခွင့်ကောင်းယူ
နေချင်သလိုနေ သူတို့ကပျော်လို့
အိမ်သူသက်ထားဇနီးမယားက
အဖော်မဲ့လို့
ထား
အဖော်မဲ့လည်း ရတယ် ကိစ္စမရှိဘူး
နေတတ်အောင် နေပါတယ်
မိန်းမတယောက်ရဲ့ အနာဆုံးအချိန်ကဘာလည်း
ချစ်လို့ ခင်လိုယူထားပြီး
ကိုယ်ထိလက်ရောက်ပြုလုပ်တာ အနာဆုံးပါပဲ
ဘာ ဘယ်လို
စိတ်တိုလို့လုပ်မိတာ ဟုတ်လာ
အဲ့လိုပြောကြေးဆို ပြောချင်ပါတယ် ကျွန်မလည်း
သူပါးကိုရိုက်လိုက်မယ် ပြီးမှစိတ်တိုလို့ ရိုက်မိလို့
ို့ပြောရင် သူလက်ခံမလား
ဝေးပါသေးရဲ့
သူတို့လုပ်ရင်သာ အကောင်း
သူများဆို ဆီလိုအပေါက်ရှာနေတဲ့သူ
တကယ်တော့ ကျွန်မက လင်ရှိမုဆိုးမပါပ
“မေမေ သားအိမ်ထောင်ပြုတော့မယ်´´
……….
ဘာစကားမှပြန်မပြောမိဘူး ကျွန်မအနားမှာ
အဖော်အဖြစ် အမြဲရှိပေးနေခဲ့သူ
ဟိုးအရင်ကတဲ့က အထီးကျန်ခဲ့သူက ကျွန်မပါ
သားနှစ်ယောက်ကိုအဖော်ပြုလာလိုက်တာ
အတောင်စုံလို့ အဝေးကိုထွက်သွားကြတော့မယ်
မျက်ရည်များဝဲနေတာကို သားငယ်သိမှာစိုးလို့
ကျောခိုင်းရင်း မျက်တောင်ကိုအကြိမ်ကြိမ်ခတ်နေမိတော့တယ်
ဘဝဆိုတာ ကိုယ်လိုသလိုဖြစ်တာမှမဟုတ်တာ
ဖြစ်လာသမျှကို ခါးစည်းခံနိူင်ရမယ်လေ
သံယောဇဉ်မကင်းတဲ့ လူထဲ့ကလူမို့
ကြောက်ပင်မဲ့လည်း ယှဉ်ဆိုင်ရအုန်းမှာပါ
သားငယ်မိန်မယူသွားတော့ အရင်ကတိတ်ဆိတ်နေတဲ့ အိမ်ကပိုပြီးတိတ်ဆိတ်နေတော့တယ်
ဦးလူလေး အိပ်ရာထတော့ မီးဖိုချောင်ထဲ့ကိုလှမ်းကြည့်မိတော့ မမြိုင်တယောက် မနက်အဆာပြေစားနေတာမြင်ရတော့
အော် အရင်ကဆို သားငယ်ကမေမေရေ သားကိုဘာလုပ်ပေးပါ ညာလုပ်ပေးပါနဲ့သားအမိ
် စကားသံတွေ အိပ်ရာအထိ
ကြားနေရတယ် ခုတော့ မမြိုင်တယောက်ထဲ့
သူကတော့ ဘယ်လိုမှမနေဘူးနော်
ငါကတော့….
မြင်နေရတာက အပေါ်ယံမြင်ကွင်းလေးပါ
ဘယ်သူသိနိင်မှာလည်း
ရင်ထဲ့ကအပူကို မနက်စာအတူတူစားကြရင်း
မေမေ ကြက်ဥကြော်ပေး
ကော်ဖီဖျော်ပေး ကြားနေကြတီတီတာတာ
စကားတွေမကြားရလေတော့ စားနေတဲ့ထမင်းကြော်တောင်နင်နေမိတဲ့အပြင် မျက်ရည်များကျနေမိတော့တယ်
မိခင်တယောက်ရဲ့အလွမ်း
ဘယ်သူသိနိူင်မှာလည်း မိခင်တယောက်ရဲ့သောကကို ဘယ်သူနားလည်နိူင်မှာလည်း
ဦးလူလေးမျက်နှာသစ်ပြီးပြန်လာတဲ့အထိ
မမြိင် ထမင်းစားပွဲမှာထိုင်နေလျက်သား
ကျလာတဲ့ မျက်ရည်ကိုအသာသုတ်ရင်း
စဉ်းစားမိတယ် ကျွန်မ
ကိုလူလေးသာ ကျွန်မကိုနံပါတ် တစ်
ကိုလူလေးသာ ကျွန်မကိုနံပါတ် နှစ်
ကိုလူလေးသာ ကျွန်မကိုနံပါတ် သုံး
နေရာထားခဲ့ရင် ခုလိုသူရော ကျွန်မရော
အထီးကျန်နေလိမ့် မဟုတ်ပါဘူး
အဓိက ထားရမဲ့သူကို
အဓိကမထားမိတဲ့အကျိုးဆက်က
အထီးကျန်ခြင်းပဲဆိုတာ
သိလိုက်ရချိန်မှာ အရာအားလုံးက
နောက်ကျသွားခဲ့ပါပြီ………
Sandar.Kyi(kme)