အမေ့အိမ်ပြန်မယ်(စ/ဆုံး)
—————————
“ရှင် အခု ဘယ်က ပြန်လာတာလဲ”
အိမ်တံခါး ကို ဖွင့်ဖွင့်ခြင်း မိန်းမ ဖြစ်သူက ခါးကို ထောက်ကာ မေးလိုက်ခြင်းဖြစ်သည်။
“ဘာလဲ ဟ အလုပ်ကပြန်လာတာပေါ့”
ယောကျ်ား ဖြစ်သူက လွယ်ထားတဲ့ ဘေးလွယ်အိတ်ကို ချွတ်ကာ ဆိုဖာ ပေါ် ထိုင်လိုက်၏။
” အလုပ်က အပြန် ရှင် ဘယ်သွားသေးလဲ”
” ဟ ဘယ်သွားရမှာလဲ အိမ်ပဲ ပြန်လာတာပေါ့”
“မလိမ်နဲ့ ကျွန်မ အကုန်သိတယ်”
” ပြသနာ မရှာ စမ်းနဲ့ကွာ ပင်ပမ်းလာရတဲ့ အထဲ”
” အော် အရမ်း တွေ ပင်ပမ်းလာတယ် ပေါ့ ၊ ဟုတ်လား”
” မင်းဘာဖြစ် နေတာလဲ ”
” ကျွန်မ ကို မ အော် နဲ့”
” ကဲ မင်းဘာဖြစ်ချင်တာလဲ ဘာသိထားတာလဲ ”
” ကောင်းပြီ လေ ပြောရတာ ပေါ့ ရှင်အခု KTVက ပြန်လာတာမို့လား”
” ဘာကွ ”
“မလိမ်နဲ့ ကျွန်မ သတင်းအတိအကျ ရထားတာ”
ယောကျာ်းဖြစ်သူက ခေါင်းကို ကုတ်လိုက် သည်။
” ဒီလိုပါ မိန်းမ ရယ် ကိုယ် ရှင်းပြမယ် ကိုယ်သူငယ်ချင်း ခင် မောင်ထွန်းကို သိတယ် မို့လား သူက အဲ့ဒီကို လိုက်ခဲ့ဖို့ အတင်း ခေါ်တယ် လေ။ ကိုယ်က မလိုက်ချင် ပါဘူးလို့ အတန်တန် ငြင်းပါသေးတယ် မိန်းမရယ် ။ ဒါပေမယ့် သူတို့က မိန်းမ ကြောက်တာလား အိမ်မပိုင်ဘူးလား သူတို့ကို မချစ်ဘူးလားနဲ့ ကိုယ့်စိတ်ကို ဆွ ကြတာ သိလား”
” အော် ဒါနဲ့ ပဲ ကြယ်စင်တို့ လမင်းတို့နဲ့ ပလူးခဲ့တယ် ဆိုတော့”
“မဟုတ်ပါဘူး မိန်းမရယ် ကိုယ်က သီချင်းပဲ ဆိုတာ ပါ ။ မိန်းမလည်း သိတယ် မို့လား ကိုယ်က သီချင်းဆိုတာ ဝါသနာ ပါတယ်လေ။ နောက်ပြီး ကိုယ်မှာ ဒီလောက် လှတဲ့ မိန်းမ ရှိ နေတာပဲ”
” အော် မိန်းမ တော့ သတိရသေးသားပဲ ၊ ရှင့်မှာ ကိုယ်ချင်းစာစိတ် မရှိဘူးလား ရှင့်မျက်နှာ တစ်ကမ္ဘာထင်ပြီး ရှင့်နောက်လိုက်ခဲ့တာ ၊ ကျွန်မ တော့ အိမ်မှာ ချက်ရပြုတ်ရ လျှော်ရဖွတ်ရ ၊ ရှင်နဲ့ ရတဲ့ ဟို မျောက် လောင်း လေးနှစ် ကောင် ထိန်းရနဲ့”
” တော် တော့ စကားတတ်တိုင်း မ ပြောနဲ့”
” ပြော ရမယ် ရှင့် ပြောကို ပြောရမယ်၊ ရှင် ဖြစ်ချင်တိုင်း ဖြစ်နေတာကို ၊ အချိန်တန်ရင် ကိုယ့် ယောကျ်ား အိမ် ပြန်လာရင် ပြီး ရော ဆိုတဲ့ မိန်းမ ထဲ မှာ ကျွန်မ မပါဘူး”
” နေပါဦး ငါက ဘာတွေ ဖြစ်ချင်တိုင်း ဖြစ် နေလို့လဲ”
ယောကျ်ား အသံက အတော် မာသွားသည်။ အခန်းထဲမှ က လေး နှစ် ယောက် ၏ ငိုသံ တွေ ကြားရသည်။
” ရှင် ဖောက်ပြန် နေတာ လေ”
” ငါက ဘာဖောက်ပြန်လို့တုန်းကွ”
” ဘာ ဖောက်ပြန်ရမှာလဲ ဟုတ်လား၊ ဘာလဲ ရှင်က ကျွန်မ တစ် ယောက်တည်း မလုံ လောက်လို့လား အဲ့လောက် ထိ ယွထ နေတာလား”
” ငါ့ကို မ စော်ကားနဲ့ နော်”
” စော်ကားတော့ ဘာဖြစ်လဲ ၊ ရှင်ဘာလုပ်ချင်လဲ”
” တောက် ဒီမိန်းမကွာ”
ယောကျာ်းဖြစ်သူသည် မိန်းမကို ရိုက်ရန် လက်ပြင်လိုက်သည်။
” အမလေး ရှင်က ရိုက် မှာ လား ရိုက်စမ်း ပါ ၊ ရိုက်လိုက်စမ်းပါ၊ ရှင်ချစ်လွန်းလို့ မရ ရ အောင် ယူ ထားရပါတယ် ဆိုတဲ့ မိန်းမ ကို ရိုက် တော့မှာ ပေါ့ ဟုတ်လား ရိုက်စမ်းပါ”
မိန်းမ ဖြစ်သူက ပါးကို ထိုး ပေးလိုက်သည်။ ယောကျာ်းဖြစ်သူသည် လက်ကိုပြန်ရုတ်သိမ်းကာ ရေခဲ သေတ္တာကို ဖွင့်ကာ ရေသောက် လေ၏။
” ရှင့်မှာ နောက် တစ် ယောက်ရှိပြီ ဆိုတော့ ကျွန်မကို ဘယ်ချစ် တော့ မလဲ ၊ ကျွန်မ သိလိုက်ပါပြီ၊ ရှင် ကျွန်မ ရိုက်ချင်နေတာ မို့ လား ရိုက်လိုက်စမ်းပါ”
” ဟေ့ ငါမရိုက်ရက်မှန်းသိရဲ့ နဲ့ အပို စကား တွေ မပြောစမ်းနဲ့”
” အသားနာတာ ကျွန်မ ခံနိုင်တယ် ၊ အခုဟာ က အသဲ နာတာရှင့် သိရဲ့လား အသဲနာတာ”
“ကဲ ကိုယ် တောင်းပန်တယ် ကွာ ဟုတ်ပြီလား မင်းထင်သလိုလဲ ဘယ်ကောင်မ နဲ့ မှ မပလူးခဲ့ဘူးကွ သီချင်းပဲ ဆိုခဲ့တာ နားလည်လား၊ KTVသွားတိုင်း ကောင်မ တွေနဲ့ ပလူးတယ် မထင်နဲ့ ၊ မင်း မ ရောက်ဖူးပဲ လျှောက် မ ပြောနဲ့ ”
” ဟုတ်ပါတယ် ကျွန်မ က ဘာမှ မသိပါဘူး ကျွန်မ က ညံ့တာပါ သိပ်ကို ညံ့တာပါ ညံ့လွန်းလို့ ရှင်နဲ့ ရတာ သိလား ။ ကျွန်မ သာ သိပ်လည်ရင် ရှင် လို လူမျိုး ယူမ နေဘူး သိလား ။ ကျွန်မ မိဘ တွေ က ကျွန်မ ကို ကျောင်းဆရာ တစ် ယောက်နဲ့ သ ဘောတူခဲ့တာ ရှင့် ၊ မိဘ စကားသာ နား ထောင်ခဲ့ရင်ဒီလို ဒုက္ခ မတွေ့ဘူး ”
” ငါမ ကြားချင် တဲ့ အကြောင်း တွေ မ ပြောနဲ့ ”
” ပြော ရမှာ ပဲ ကျွန်မ ရှင်နဲ့ အတူ မနေနိုင် တော့ဘူး ။ ကျွန်မ အမေ အိမ် ပြန်မယ် ”
” အော် မင်းက အဲ့ဒီလိုလား ရတယ် လေ မင်းတောင် မင်း အမေအိမ်ပြန် သေး တာ ပဲ ငါလည်း ငါ့ အမေအိမ်ပြန်မယ်”
” ဘာရှင့် ကလေး တွေက ဘယ်လိုလုပ်မှာလဲ”
” သူတို့လဲ သူတို့ အမေအိမ် ပြန်လိမ့်မပေါ့ကွာ”
နေညွန့်သွေး
၂. ၄. ၂၀၂၂