အောင်မြတ်သာနှင့်ထိန်ပင်စောင့်သရဲ (စ/ဆုံး)

အောင်မြတ်သာနှင့်ထိန်ပင်စောင့်သရဲ (စ/ဆုံး)
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
#စာရေးဆရာ -ဇေယန(ရာမည)

“ကိုး” ဖြစ်လိုက်စမ်းပါဟ

ဟာကွာ.. ” တောက် ဘူပြန်ပီ “

ဒီနေ့ ငါတော်တော်ရှုံးနေပီ ကြက်တော

ပိုက်ဆံလဲ ကုန်ပီ

ငါကို.ပိုက်ဆံနည်းနည်းထပ်ချေးစမ်းပါဟာ

“ဟေ့ကောင်. မင်းချေးထားတာများနေပီနော်”

“မများပါဘူးကွာ အချင်းချင်းပဲ “

အောင်ဘု.ပိုက်ဆံတွေက ဆနွင်းမှုန့်လေတိုက်

သလို ပါးပါးချင်းကုန်နေပီ။

အောင်ဘု.ငါထပ်မချေးတော့ဘူးနော်

မင်းကုန်ရင်ပြန်တော့

” အေးပါကွာ ငါလဲမယူတော့ပါဘူး”

“တောက် ဒီနေ့မှ ဖဲကလဲ ရှုံးလိုက်တာ.

သောက်သောက်လဲ”

တစ်ယောက်ထဲ ဗြစ်တောက်ဗြစ်တောက်ပြောရင်း

အိမ်ပြန်လာခဲ့လိုက်တယ်။

ရွာထိပ်လဲရောက်ကော အလင်းရောင်က

မှိန်ဖျော့လာတဲ့ နေဝင်ရီတစ်ရောအချိန်..

မမှောင်ခင် အိမ်ရောက်မှဖြစ်မယ်

ရွာထိပ်က.ထိန်ပင်ကလဲ နာမည်ကြီးပါပေ့နဲ့

အောင်ဘုတစ်ယောက် ခပ်သုတ်သုတ်လျောက်ရင်း

ရွာထဲကိုအဝင်.

” ဘုတ် “

“ကျောကိုတစ်ခုခု.လာမှန်သလိုဖြစ်လို့

ကြည့်လိုက်တာ “

ဝက်ဒူးရိုးကြီး

အောင်ဘု ဘေးဘီပတ်လည်ကို.ကျီးကန်း

တောင်းမှောက်လိုက်ကြည့်လိုက်တယ်။

ဘာလို့ဆိုတော့ ဘယ်သူတွေစနေလဲဆိုပြီး

လိုက်ကြည့့်တော့ တစ်ယောက်မှ မတွေ့။

အောင်ဘု.ကြက်သီးမွေးညှင်းတွေ ထလာတယ်။

မနက် မနက်က ဝက်သားသည် ဒေါ်ရွှေ ထိန်ပင်

အောက်ကဖြတ်တာ ဝက်သားဗန်းကိုအပင်ပေါ်က လက်ကြီးနဲ့လှမ်းဆွဲတယ်လို့ ပြောတာ တကယ်များ

ဖြစ်နေမလား။

အခုလဲ ဝက်ရိုးကြီးနဲ့ ငါ့ကိုပစ်တယ်

အောင်ဘု ထိန်ပင်ကို မကြည့်ပဲ ရွာထဲပြေးပါ

လေရော။

..

ဟောဟဲ ဟောဟဲ

အမေရေ ရေ..ရေတစ်ခွက်လောက်

အေး.ကျေးဇူးရှင်ဆိုတော့ ခပ်ပေးရတာပေါ့

အမလေး တစ်နေကုန်ရွာရိုးကိုးပေါက်လျောက်သွား.မိုးချုပ်မှပြန်လာ တော်တော်ကောင်းကျိုး

ပေးတဲ့သား ။

မွေးရတာ.ဝမ်းရေးစပ်လိုက်တာ

…

မွေးသမိခင်ရဲ့ သံသာချိုအေးမင်္ဂလာတေးကို.

နားထောင်ရင်း အောင်ဘု.ရေချိုးဖို့ အိမ်အနောက

်က စဉ့်အိုးဆီလာခဲ့လိုက်တယ်။

ထိုစဉ်..

အောင်ဘုရေ.အောင်ဘု

ဟေ့ သာကျော် ပြော.

ငါရေချိုးနေတယ်

အောင်ဘု ရွာတောင်ပိုင်းက ဒေါ်လေးမြ

သိတယ်မလား။

အေး သိတယ်လေ

ငွေတိုးချေးတဲ့ ဒေါ်လေးမြမဟုတ်လား

ဘာဖြစ်လို့လဲ

….

ဒေါ်လေးမြ အခုတစ်လောနေမကောင်းဖြစ်နေလို့ အကြွေးယူထားတဲ့သူတွေ ဝမ်းသာနေကြတာလေ

ရောဂါကမရတော့ဘူးလို့ အမည်တပ်ထားပေမယ့်

အခု ဒေါ်လေးမြက ပြန်ထူထောင်လာတယ်

ကျန်းမာရေး ပြန်ကောင်းလာတယ်ဟ

….

အဲဒါဘာဖြစ်လဲ.ကျန်းမာတာကောင်းတာပေါ့

နေစမ်းပါဦး.အဲဒါဘာလို့ ငါဆီတကူးတက

လာပြော နေတာလဲ။

ဒီလိုလေဟာ ဟဲဟဲ

ဟေ့ကောင် ဟဲဟဲတွေ ဟားဟားတွေ မလုပ်နေနဲ့

မင်းဒေါ်လေးမြ တူမကို ပိုးမလို့

ငါ့ကိုလာခေါ်တာမလား

…

ဟီးဟီး ဟုတ်တယ်

အဲဒါရေချိုးပီး.လိုက်ခဲ့ပေးကွာ

ခွေးသား .. အစထဲက အဲလိုပြောပါလား

စာတစ်တန် ပေတစ်တန်နဲ့.စကားချီးသန်းနေတာ

ငါတောင်အအေးပတ်တော့မယ်။

အိမ်ရှေ့မှာ သွားစောင့်နေ ရေချိုးပြီး လာခဲ့မယ်

ဆိုပြီး ရေကိုကမန်းကတမ်းချိုး အဝတ်အစား

ကောက်လဲပြီး အရီးမြတို့ အိမ်ဘက်ထွက်လာ

လိုက်တယ်။

….

အောင်ဘု.

အရီးမြက နေမကောင်းဘူးသာပြောတယ်

သွားတာလာတာ.လူငယ်လိုပဲကွ

အရင်က အိပ်ယာထဲလဲနေတဲ့သူက ဘယ်ဆရာနဲ့

ဲ့မိသွားလဲ.မပြောတတ်ပါဘူးကွာ

ထူထူထောင်ထောင်ကိုဖြစ်လို့..

…

သာကျော် မင်းကိစ္စ မင်းပြော.သူများအကြောင်း.

မပြောနဲ့.

အခု မင်း.အိဖြူနဲ့.ချိန်းထားတာလား

အေး..ချိန်းထားတယ်

အရီးမြကို အားပေးစကားပြောသလိုလိုနဲ့

မငး်ကဝင်ဖောကွာ။

ငါက.အိဖြူကို လက်ဟန်ခြေဟန်နဲ့ ချိန်းလိုက်မယ်။

….

အိဖြူ.

အရီးမြ.ရှိလား

အော်.သာကျော်နဲ့ အောင်ဘုပါလား

ရှိတယ်လေ အရီးမြ ရှိတယ်.အိပ်နေတယ်

လာကြ.

အောင်ဘုနဲ့သာကျော် အိမ်ပေါ်လဲတက်ရော.

အရီးမြက ငေါက်ခနဲ ထထိုင်ပါလေရော။

အရီးမြ နေကောင်းရဲ့လား

အေး ကောင်းတယ်

…

အောင်ဘုနဲ့သာကျော် အရီးမြရဲ့မာဆတ်ဆတ်.လေသံကြောင့် တစ်ယောက်မျက်နှာတစ်ယောက်ကြည့်

လိုက်တယ်။

အိဖြူ. အရီးမြ.ဘာမှမစားဘူးလား

ကျန်းမာရေးသာ ကောင်းတယ်ပြောတာ

လူက ပိန်လှီနေတာပဲ။

…

စားပါတယ် သာကျော်ရဲ့

ခုနကတောင် ဝက်လက်ပြုတ်နဲ့ထမင်းစားထားတာ

အခုတစ်လော ထမင်းစားလာတယ်ဟ

ဒါနဲ့.အောင်ဘု နင်ကောအရင်ဆို ဖဲသမားလုပ်တုန်း.ပဲလား။

ဟာ.အိဖြူကလဲ မဟုတ်ပါဘူးဟ

…

အဲဒါဆို ခဏနေနော် ငါလက်ဖက်သုတ်ပေးမယ် ဆိုပြီး အိမ်နောက်ဖေးဝင်တော့.. သာကျော်က ကူပေးမယ်ဆိုပြီး လိုက်ဝင်သွားတယ်။

သာကျော်ရဲ့.အကြံကိုသိတဲ့ အောင်ဘုက တစ်ချက်ပြုံးလိုက်မိတယ်။

…

အောင်ဘု…

အရီးမြခေါ်တဲ့အသံကြီးကလဲ.တစ်မျိုးကြီးပဲ

အသံနာနေတာလား အရီးမြ.

မဟုတ်ပါဘူးကွယ်.

ငါ့ကို လာနှိပ်ပေးစမ်းပါ

ခြေထောက်တွေအကြောတတ်လို့

….

အောင်ဘုလဲ.အရီးမြခြေသလုံးတွေကို နှိပ်ဖို့

လက်တင်လိုက်တယ်ဆိုရင်ဖြင့်.

ခြေသလုံးတွေက အေးစက်နေတာပဲ

အရီးမြ ခြေထောက်တွေအေးနေတယ်

စောင်ခြုံထားလေ..

ရပါတယ် နှိပ်သာနှိပ်ပေးစမ်းပါ။

….

အောင်ဘု နှိပ်ပေးရင်း.အရီးမြကို ကြည့်လိုက်တော့

မျက်လုံးလေးစင်းပြီး ဇိမ်ယူနေတာ။

လူကြီးကိုနှိပ်ပေးရတယ်ဆိုတော့ ကုသိုလ်ရပါတယ်

လို့တွေးပီး ခြေသလုံးတွေကို ဆုပ်နယ်ပေးနေလိုက်တယ်။

ခဏနေသာကျော် လက်ဖက်သုတ်ပန်းကန် ယူပြီးထွက်လာတော့ အောင်ဘု နှိပ်တာနားလိုက်တယ်။

နားလိုက်တယ်ဆိုရင်ပဲ မျက်လုံးမှေးပြီး ဇိမ်ယူနေတဲ့

အရီးမြက ဟေ့အကောင် နှိပ်ပေးလေ။

နှိပ်တာဘာမှတောင်မရှိသေးဘူး ဆိုပြီး မာန်ပါလေရော။

….

အဲဒါအိဖြူက အောင်ဘုကိုယ်စား ဝင်နှိပ်ပေးရင်း

သာကျော်က ..

အိဖြူ နင်လဲ မျက်နှာတွေဖြူဖတ်ဖြူရော်နဲ့

အရီးမြကို ဂရုစိုက်တာဂရုစိုက်တာပေါ့.

နင်ကျန်းမာရေးလဲ ဂရုစိုက်ဦး..လို့ သာကျော

်ပြောတော့..

အိပ်နေတဲ့ အရီးမြက ရုတ်တရက်ထပြီး ငါ့တူမ

ငါ့ကိုပြုစုတာ.နင်တို့အပူလား အမျိုးယုတ်တွေရဲ့

ထွက်သွား ငါ့အိမ်ကထွက်သွားဆိုပြီး အတင်း

မောင်းထုတ်ပါလေရော။

…

သာကျော်နဲ့အောင်ဘုလဲ ကုပ်ကုပ်လေးအိမ်ပေါ်က ဆင်းပြီး. မလှမ်းမကမ်းက ရွာလယ်ဆွမ်းလောင်းတဲ

လေးမှာ ထိုင်နေလိုက်တယ်။

သာကျော်.. အရီးမြက ဘာကြီးလဲကွ

တစ်မျိုးကြီးပဲ.. အရင်ကဆို သူစကားပြောတာ

ဒီလောက်မရင့်ပါဘူး။

အခုမှ လေသံကမာနေတာ။

သာကျော် ..ငါ.ခေါင်းတွေမူးလာလို့

အိမ်ပြန်တော့မယ်ကွာ

အားနည်းလို့လားမသိဘူး မူးနေတယ်။

…

အဲဒါနဲ့ သာကျော်နဲ့ အောင်ဘု အိမ်ပြန်လာခဲ့လိုက်

တယ်။

မနက်ကျတော့ နေမြင့်မှ အောင်ဘုနိုးလာတယ်။

မျက်နှာသစ် ထမင်းကြမ်းစားပြီး.အိမ်ပေါ်ကဆင်း

တော့..

အောင်ဘု ညက နင်တို့ကြက်တွေ သွားခိုးသေးလား..

ဟာဗျာ အမေကလဲ ခိုးစရာလား

မခိုးပါဘူး .. ဘာဖြစ်လို့လဲ

….

ညက ဒေါ်စံတုတ်ကြက်တွေ.ပျောက်လို့တဲ့

အဲလိုပျောက်နေတာ ၃ရက်၄ရက်လောက်ရှိပြီတဲ့

အဲဒါ မင်းတို့များခိုးစားသလားလို့

အမေရာ သူများကြက်ခိုးစရာလားဗျ

ဘယ်ကြက်သူခိုးလဲတော့ မသိဘူး။

စောင့်ဖမ်းရမယ် နောက်ဆို ကျွန်တော်တို့အပေါ်.

အမြင်ကြည်မှာမဟုတ်ဘူး။

…..

အောင်ဘု ရွာထဲက.ကာလသားတွေကိုမေးတော့လဲ

မယူဘူးလို့ပဲဖြေတယ်။

အဲဒါနဲ့.ညဖက် ဒေါ်စံတုတ်ကြက်ခြံနဲ့ မလှမ်းမကမ်း

မှာ ကင်းပုန်းစောင့်ကြပါလေရော။

အချိန်က ညသန်းခေါင်ရောက်လာတယ်

ခြေသံကြားတယ် တိုးတိုးနေ..

ခြေသံက ဒေါ်စံတုတ်အိမ်အနောက်ဘက်ကနေ

လာနေတဲ့အသံ..

အမှောင်ထဲကနေ လူတစ်ယောက်ထွက်လာတယ်

ကင်းပုန်းစောင့်နေတဲ့လူတွေ တုတ်တွေကို သေချာ

ကိုင်ထားတယ်။

သူခိုးရိုက်မလို့ ..

…

ကြည့်နေရင်းနဲ့ အမှောင်ထဲက.ထွက်လာတဲ့သူက

ဟာ. အို. ဟင်.

အရီး အရီးမြ.ပါလား..

ဟေ့ကောင်တွေ မလှုပ်နဲ့

ဘာလုပ်မလဲ.ကြည့်နေ

…

အရီးမြက ကြက်ခြံထဲက.ကြက်တစ်ကောင်ကို.လည်ပင်းကနေဖမ်းယူပြီး အမှောင်ထဲ ပြန်ဝင်သွားတယ်။

သာကျော်.ဒါ ဒါ အရီးမြမဟုတ်လောက်ဘူး

အရီးမြ ကိုယ်ထဲဖုတ်ဝင်နေတာဖြစ်မယ်။

ဘယ်လိုလုပ်မလဲ..

ဒီကိစ္စ ဘယ်လိုလုပ်ကြမလဲ

တစ်ယောက်တစ်ပေါက်နဲ့ အားလုံးပွက်ညံကုန်တယ်။

မနက်လဲကျတော့ အရီးမြဖုတ်ဝင်နေတယ်ဆိုတဲ့

သတင်းက တစ်ရွာလုံးပြန့်သွားတယ်။

အိဖြူ က လက်မခံဘူး။.သူအရီးမြ ဖုတ်ဝင်တာ.

လက်မခံဘူး။

ဒါပေမယ့် လက်ခံနိုင်လောက်တဲ့ ကိစ္စပေါ်လာခဲ့တယ်။

အဲဒါကတော့..

အောင်ဘု ..

သူကြီးအိမ်မှာ ခရီးသွားတွေရောက်နေတယ်။

သူတို့က ပယောဂကုတယ်တဲ့။ ရွာမှာဝင်နားတုန်း

အရီးမြကိစ္စပြောလိုက်တာ သူတို့ကြည့်ပေးမယ်တဲ့

…

အဲဒါ မင်းကိုလာခေါ်တာ

သွားကြည့်ရအောင်..

အောင်ဘုနဲ့ သာချို သူကြီးအိမ်ရောက်တော့

ဟော အောင်ဘု.လာကွာ

ဒါက ခရီးသွားတွေ

ဒါက အောင်ဘုနဲ့ သာချိုပါ ဆရာလေးတို့

အောင်ဘုနဲ့သာချို

ဒါက ဆရာအောင်မြတ်သာတဲ့

ဒီဘက်ကတော့ သက်ခိုင်တဲ့

မင်းတို့ မြင်ခဲ့တာတွေ ပြောပြလိုက်ဆိုတော့..

အောင်ဘုနဲ့ သာချိုလဲ အကြောင်းစုံ ပြောပြ.

လိုက််တယ်။

…..

အဲလောက်ထိရောက်နေတာတောင်.မသိကြဘူးပေါ့လေ။

ဒါဆို ဒီဖုတ်က တော်တော်ကြာနေပီပဲ။

ဒါက သွေးစုပ်ဖုတ်လို့ခေါ်တယ်။

လူသွေးကိုစုပ်တယ်၊ လူသွေးစုပ်လို့ဝရင်

တစ်ခြားသွေးတွေစုပ်တယ်။

သွားကြည့်ရအောင် ဆိုပြီး

အရီးမြ အိမ်ကိုထွက်လာခဲ့လိုက်တယ်။

အိမ်လဲရောက်ကော..

ဆရာ ဒီအိမ်ပဲ..

အောင်မြတ်သာ လူနာကို.အိမ်အောက်ကနေပဲ.

ကြည့်လိုက်တာ..

ဟာ.. တော်တော်အကောင်ကြီးနေပီ

အစွယ်တောင်ထွက်နေပီ၊ ဒီတိုင်းလွှတ်ထားရင််

တစ်ရွာလုံးဒုက္ခရောက်နိုင်တယ်။

အမြန်ဆုံး ဖုတ်ထုတ်မှရမယ်။

သက်ခိုင်.မင်းက ဒီကလူငယ်တွေကို အကူအညီ

တောင်းပြီး အခေါင်းတစ်လုံးရိုက်ထား။ အခေါင်း

ရိုက်ပြီးတာနဲ့ ဖုတ်ထုတ်တာပြီးမယ်။

….

သာကျော်နဲ့ ရွာခံလူငယ်တွေက အခေါင်းတစ်လုံး

ရိုက်ဖို့ထွက်သွားတော့..

ဆရာလေးက အိမ်ပေါ်တက်သွားတယ်။

အိမ်ပေါ်လဲ ရောက်တယ်ဆိုရင်ဖြင့် အိပ်ယာထဲလဲ

နေတဲ့ အရီးမြက ဗြုန်းဆို ငုတ်တုတ်ထထိုင်တာ

အလား.. မျက်လုံးကြီးတွေနီရဲနေတာ

ပါးစပ်ကြီးကိုလဲ ဟထားတယ်။

ဆရာလေးကတော့ အေးအေးဆေးဆေးပဲ

ခဏနေတော့..

မင်းဘယ်သူလဲ..

“အဒေါ်က.အရီးမြ”ပါကွယ်

ဒါက အဒေါ်တူမလေးလေ

…

အရီးမြအသံကြီးဗျ ..

အသံကတကယ်အရီးမြအသံ..

ဒါပေမယ့် ဆရာလေးက ပြုံးပြီးတော့

ဟန်ဆောင်ထားသမျှ ကွာကျစေ ငါအောင်မြတ်သာ အမိန့်..

ဆိုပြီးပြောလိုက်တယ်ဆိုရင်ပဲ..

ခုနက အရီးမြလေသံကနေ ယောကျၤားသံကြီး ဖြစ်သွားတာ။

မှန်မှန်ပြော.. မင်းဘယ်သူလဲ

ဘာလို့ ဝင်နေရတာလဲ။

…

ဟားဟားဟား ငါလား ငါက စားမလို့ ဝင်နေတာ

ငါအကုန်လုံးစားမယ်.. ငါစားမယ် တစ်ရွာလုံးကို

စားမယ်။

ကဲ.. စားချင်တယ်ဆိုတိုင်း စားရမယ်ထင်နေတာလား ။

မင်း ဘယ်သူလဲလို့မေးနေတာ.မဖြေဘူးပေါ့နော်

ဟုတ်ပီ။ အဲဒါဆို ငါဘက်က စပီနော်။

ဆရာသခင်အပေါင်းအား ဦးထိပ်ထား၍ တိုင်တည်ပါသည်။

ကျွန်တော်အောင်မြတ်သာသည် ၇ရက်သားသမီး.

အသက်ကို ကယ်တင်လိုစိတ်သာ ရှိပါသည်။ တစ်ပါးသူအားထိခိုက်စေလိုခြင်းမရှိပါ။

သို့သော် ဤသူကား ၇ရက်သားသမီးများအား

အန္တရာယ်ပြုနိုင်ပါသဖြင့် ဆုံးမခွင့်ပြုပါလို့

တိုင်တည်ပြီးတာနဲ့…

ဟိတ်.. ဒီမြို့ကိုစောင့်ကြပ်တဲ့ မြို့စောင့်နတ်အဘိုးကို ပင့်ဖိတ်ပါသည်။

အဘိုး၏ တပည့်၂ဦးဖြစ်တဲ့ ယက္ခညီနောင်ကိုပါ.

ပင့်ဖိတ်သည်။

ဤငမိုက်သားအား နောက်ပြန်ဖမ်းချုပ်ထားပေးပါလို့ ပြောလိုက်တယ်ဆိူရင်ဖြင့် အရီးမြရဲ့ လက်က

အနောက်ကို ရောက်သွားတယ်။

….

ငါမေးမယ် မင်းဘယ်သူလဲ..

ဘာကြောင့် ဒုက္ခပေးရတာလဲ..

အခုချိန် မင်းထွက်မယ်ဆိုရင် ငါမင်းကို.

ထိခိုက်အောင်မလုပ်ဘူး။

….

ဟားဟားဟား ငါနာမည် ငထိန်ကွ..

ရွာထိပ်က ထိန်ပင်မှာနေတဲ့ ငထိန်ဆိုတာငါပဲ

ငါက ဘာလို့ထွက်ရမှာလဲ..

ဒီမှာစားချင်တာစားလို့ရတယ်

မထွက်ဘူးဟေ့ မထွက်ဘူး

ခွေးအဆင့်ပဲရှိတဲ့ ခွေးဆရာကများ ငါ့ကို ရာရာစစ

…

အောင်မြတ်သာ ပြုံးလိုက်တယ်။

ကောင်းပြီ.. သက်ခိုင် ရေတစ်ခွက်ပေး..

ရေတစ်ခွက်လဲရရော..

ဒီရေတစ်စက်ထိက ငရဲမီးထက်အဆပေါင်းများစွာ.

ပူလောင်ခံစားစေရမည်။

ဘယ်လောက်ပင်ပူပင်ကစား နောက်ပြန်ကြိုး

မပြုတ်စေရ။

ပူလောင်မှုဒဏ်ကို မထွက်မချင်းခံစားရစေ.လို့

အမိန့််ပြန်ပြီး ရေထဲလက်ညိုးလေးနှစ်ပြီး တောက်

လိုက်ရုံ ဖြင့် ငရဲပွက်သမျှ အော်သံထွက်လာတယ်။

အား ပူတယ်.ပူတယ်.အား အား သေပါတော့မယ်

အား ရပ်ပါတော့ မနေနိုင်ဘူး.ပူတယ် ပူတယ်

..

ဒါဆိုထွက်မလား..

ငါ သတ်မယ် မင်းကိုသတ်မယ်…

ငါ့လက်နဲ့မင်းကိုသတ်မယ်…

မထွက်သေးဘူးဆိုတဲ့သဘောပေါ့ဆိုပြီး ရေစက်လေးနဲ့လှမ်းတောက်လိုက်ပြန်တယ်။

အရီးမြတစ်ဖြစ်လဲ ထိန်ပင်စောင့်သရဲကြီးရဲ့ အော်သံ

တွေက ကြောက်မက်ဖွယ်ကောင်းအောင် ထွက်လာ

တယ်။

အား အား ပူတယ်.တကယ်ထွက်မယ်။

မနေနိုင်တော့ဘူး ထွက်ပါတော့မယ်။

ရှုံးတယ်.ငါရှုံးတယ်။.မင်းကို ငါရှုံးတယ်။

….

အေး.မင်းရှုံးတယ်ဆိုရင် ကောင်းကောင်းမွန်မွန်

ထွက်..

ဒီမှာတော့မထွက်နဲ့.မင်းထွက်တာနဲ့ အလောင်းပ

ဲကျန်မှာ ..

မင်းဘာသာ အိမ်ရှေ့က အခေါင်းထဲဝင်ပြီးမှ ထွက်.

လို့ပြောတော့ မျက်ထောင့်နီကြီးနဲ့စိုက်ကြည့်ပြီး

အိမ်အောက်ကို ဆင်းသွားတာ။

အိမ်ရှေ့လဲရောက်ကော.အခေါင်းထဲဝင်အိပ်ဖို့လုပ်တဲ့ အချိန်..

…

မြို့စောင့်အဘိုးက ဒီကောင်ကို.ဆုံးမပေးပါ။ နတ်နန်းမှာပဲချုပ်ထားပါ။ ဘယ်မှမလွှတ်ပေးပါနဲ့။ ကျွန်တော်အချုပ်အင်းပို့ပေးလိုက်မယ်။.ဒါဆို ဒီကောင် လူတွေကိုဒုက္ခမပေးနိုင်တော့ပါဘူးလို့ပြောပြီး

အခေါင်းထဲမှာ အိပ်ခိုင်းလိုက်တယ်ဆိုရင်ဖြင့်

အရီးမြ ရုပ်အလောင်းက တစ်ဖြေးဖြေးရိရွဲလာကာ

သားရေတွေပဲကျလာတယ်။

အပုတ်နံ့တွေက မတရားထွက်လာတော့.အခေါင်းကို အမြန်ပိတ်ပြီး အဲဒီနေ့ပဲသဂြိုလ်လိုက်ရတယ်။

……

ခရီးသွားဆရာတွေကို ကျေးဇူးတင်စကားဆိုရင်း.

သာကျော်နဲ့အောင်ဘုက ရွာထိပ်ထိလိုက်ပို့ပေးတယ်။

နောက်ကြုံရင် လာလည်ဦးနော်.ဆရာလေးတို့.

ရွာအပြင်ကိုထွက်သွားတဲ့ ဆရာနှစ်ယောက်ကိုကြည့်ရင်း အောင်ဘုနဲ့သာချို ရွာထဲဝင်လာခဲ့လိုက်တယ်။

……

အရီးမြ အသုဘမှာတော့…

လက်ရှောင် လက်ရှောင်

ရိုက်ချလိုက်ကွာ အောင်ဘု..

ဖြုန်း…

ဟာ ကိုး ကြ..

တစ်ဝိုင်းလုံးစားပီ..

ဟာ.. နောက်တစ်ခါ လာထား..

ဒီတစ်ခါ ကိုးပေါက်ပြန်ပဲကွ..

ငါကွ အောင်ဘုတဲ့ကွ….

ဖဲရိုက်နေရင်း ဒေါ်စံတုတ် ကြက်ခြံထဲက.ကြက်တွေ

ကြောက်လန့်တကြား ထအော်တဲ့ အသံကို အကုန်

ကြားလိုက်ရတယ်။

……

ဟေ့ ဟေ့ ဘာဖြစ်ပြန်ပီလဲ ကြက်ခြံထဲ.ဘာဖြစ်ပြန်ပီလဲ ထကြည့်တော့..

ကြက်တစ်ကောင်သေနေတာတွေ့လိုက်ရတယ်။

လည်ပင်းမှာလဲ.အပေါက်နှစ်ပေါက်အရာက အထင်းထား…

အောင်ဘုနဲ့သာချို တစ်ယောက်မျက်နှာတစ်ယောက်

ကြည့်လိုက်တယ်။

ထိုစဉ်… မြွေကြီးကွ

မြွေဟောက်ကြီး ကြက်ခြံထဲဝင်တာ ရိုက်ရိုက်ဆိုတဲ့

အသံကြားတော့မှ နှစ်ယောက်သား သက်ပြင်းချနိုင်

တော့တယ်။

လေးစားစွာဖြင့်

ဇေယန(ရာမည)