အရက်သမား(စ/ဆုံး)
——————-
” အမေ ဘာဖြစ်လို့ အဖေ့လို အရက်သမားကို ယူခဲ့တာလဲ”
” ဟဲ့ ဘာတွေ မေး နေတာလဲ မအေကို”
” ဟုတ်တယ် လေ အဖေက တစ်နေ့ တစ် နေ့ ပြသနာပဲ ရှာရှာ လာတာ စိတ်သိပ်ညစ်တာပဲ၊ သမီးသာဆို အရက်သမားမယူဘူး”
” ညည်း အဖေက အရင်က အရက်သမားမဟုတ်ဘူး”
” အမေနဲ့ ရမှ သောက်တာလား”
အမေဖြစ်သူက ခေါင်းညိမ့်ပြ၏။ အပြင်မှ လူတစ်ယောက်သည် စံပါယ်ပန်း လေး သီချင်းကို အော်ဆိုလာ၏။
” အဖေ ပြန်လာပြီ ဆိုင်ကယ်လည်း ပြန်ပါမလာဘူး ။ ဘယ် ထားခဲ့မှန်းမသိဘူး”
” သမီး လေး ဖေ့ဖေ့ သမီး လေး ”
” အဖေ ဆိုင်ကယ် ဘယ်ထားခဲ့တာလဲ”
“အရက်ဆိုင်မှာ ထားခဲ့တာ ညည်း အ မေက အရက်ဖိုး မှ မပေးတာ”
” အဖေ က တော့ လုပ်လာပြန်ပြီ”
” ဟဲ့သမီး ညည်း ဦးလေး အိမ်ကို သွားပြီး အရက်ဆိုင်က ဆိုင်ကယ် ပြန်ရွေး ယူခဲ့ ”
သမီးဖြစ်သူက စိတ်ပျက် လက်ပျက်ဖြင့် ထွက်သွား၏။
” ကို နေဇင်မောင် တော် အသိတရား မရှိတော့ဘူးလား၊ မရှက်တတ်တော့ဘူးလား”
” ဟေ့ ငါက ဘာကို ရှက်ရမှာလဲ ကွ”
” မစဥ်းစားတတ်ဘူးလား၊ ဦးနှောက် မရှိတော့တာလား အခုလို မူးရူးနေတာ ရှက်စရာမဟုတ်တော့ ဘာလဲ”
” ဟေ့ ငါ သောက်ချင်သောက်မယ် ငါမူးချင် မူးမယ် ၊ မင်းဘာလုပ်ချင်လဲ”
” ခွမ်း”
ဖန်ကွဲ စများသည် ကြမ်းပြင်ပေါ် ပျံ့ကျဲ သွားသည်။
” ဦး လေး ဦး လေး ”
” ဟေ ဘယ်သူလဲ”
” သမီးပါ”
” အော် ငါ့တူမ လေး ဘာကိစ္စ လဲ ”
“အ ဖေ ပေါ့ အရက်ဆိုင်မှာ ဆိုင်ကယ် ပေါင်ပြီး သောက်လာလို့ သွားရွေးရအောင် ဦးလေး လာ ခေါ်တာ”
” ဟာ ဒီ ကောင် ပြသနာရှာပြန်ပြီ နေဦး ဦး လေး ဆိုင်ကယ် ထုတ်ခဲ့မယ်”
“အဖေ သောက် နေကြဆိုင် သိတယ် မို့လား”
” အေး သိတယ် ဆိုင််ကယ် ပေါ် တတ်”
” အဖေက သိပ်ဆိုးတာပဲ ဦး လေးရယ် ငယ်ငယ်ကလဲ ဒီလိုပဲလား”
” ဘယ်ကလာသမီး ရယ် ညည်းအဖေ ငယ်ငယ်က လူရိုး လူအေး”
“ဟုတ်ရဲ့လား ဦး လေးရယ် သမီး မယုံဘူး”
” တကယ်ပါဆို ကွယ် ညည်းအဖေ လူပျိုတုန်းက အရက် မ ပြောနဲ့ ဆေးလိပ်တောင် မ သောက်ဘူး”
” အခုကြ ဘယ်လိုဖြစ်ရတာလဲ ”
” ညည်း အ မေရဲ့ အပြစ် တွေ ပေါ့ ကွယ် ”
” ဟင် ဟုတ်ရဲ့လား”
” ဟုတ်တယ် သူတို့ အိမ် ထောင်ကြတော့ ညည်း အမေက ညည်း အဖေကို သိပ်နိုင်တာပဲ ၊ ညည်းအဖေက ချစ်တော့ သည်းခံရှာပါတယ် ။ ညည်း အမေက ဇီဇာလည်း ကြောင်တယ် ၊ဟိုမသွားနဲ့ ဒီ မသွားနဲ့ နဲ့ ချုပ်ချယ်လိုက်တာကလည်းလွန် ပါရော ၊ ဒါ ပေမယ့် သမီး ခပ်ငယ်ငယ် လောက်မှာ ပြသနာ အကြီး အကျယ်တတ်ကြတယ်”
” ဘယ်လိုဖြစ်တာလဲ”
” အဲ့တာကလည်း ညည်း အမေ မှားတာပါပဲ ၊ ညည်းအဖေ အလုပ်က ကောင်မ လေး တစ် ယောက်နဲ့ အထင်လွဲတယ်။ ဘယ်သူက တိုက်လွှတ်လိုက်တယ်မသိပါဘူး။ ညည်းအဖေ အလုပ်ထိ သွားပြီး ပွဲကြမ်းတာ ညည်း အဖေက ရှက်လည်း ရှက် တစ်ဖက် မိန်းကလေး လည်း အားနာနဲ့ ဖြစ်တာပေါ့ ။ ညည်းအမေက လူရှေ့မှာ ပြောဆို လို့အားမရဘူး ပါးကို ပါ ရိုက်သွားတာ ”
” အမေကအဲ့လိုလုပ်တယ်”
“ဟုတ်တယ် စကားများ ရန်ဖြစ်တိုင် ညည်းအမေက ချည်း ဆော်တာ”
” အဖေနဲ့ ဟိုမိန်းမက ရော တကယ်ဖြစ်တာလား”
” ဘယ်ကလာဖြစ်လာမှာလဲ ရိုးရိုးခင်ကြတာပါ ။ အဲ့ဒီ နေ့က စပြီး ညည်းအဖေကသူ့အချစ်ကို စော်ကား တယ်လို့ ခံယူသွားပြီး လုပ်ချင်ရာ လုပ်တော့တာပဲ ။ နေချင်သလို နေတော့တာပဲ”
အရက်ဆိုင်တွင် ဆိုင်ကယ်ပြန်ယူလာကာ တူရီးနှစ် ယောက်ပြန်ခဲ့ကြသည်။
” အဖေ ခေါင်းမှာ ပတ်တီးကြီးနဲ့ပါလား”
” အေး ဟုတ်တယ် ”
“အမေ ဘာလုပ် လိုက်တာလဲ ”
“ပန်းအိုးနဲ့ ရိုက်လိုက်တာ ညည်းလည်း အိမ်ထောင်ပြုရင် သတိထားနော် အရက်သမားဆိုမယူနဲ့ ကြားလား”
” မေမေရယ်”
နေညွန့်သွေး
၂၉ . ၃ . ၂၀၂၂