သုံးတန်းအရွယ် ခပ်ငယ်ငယ်

သုံးတန်းအရွယ် ခပ်ငယ်ငယ်(စ/ဆုံး)
———————————–
ဟိုအကောင်……
ရဲနောင် လာခဲ့ဒီကို
ထမင်းစားရအောင် ဘောလုံးပဲကန်မနေနဲ့
တကယ်ထဲတော် ဆော့နေရရင် ထမင်းမေ့ဟင်းမေ့
လာခဲ့ ခုချက်ချင်းလာခဲ့…….

*ဟုတ်အမေ လာပြီ*

ဟဲ့ ခုထိမလာသေးဘူးလား ဒီကောင် ဟမ်
ပြောပြောဆိုဆိုနဲ့ မလှရီက ဖိနပ်နဲ့ပစ်ပေါက်ခေါ်လိုက်ရပါတော့တယ်

*အားးး
လာပြီလို့*

သွားးးး‌‌ခြေလက်ဆေးခဲ့ ပြီးရင်ထမင်းစားရအောင်

*ဟုတ်*

*ဟင် ထမင်းစားမယ်လဲပြောသေးတယ် ထမင်းပန်းကန်တွေချည်းပဲ ဟင်းခွက်လဲမတွေ့ ဟူးးးးးး
ရဲနောင် သက်ပြင်းချကာ ထမင်းစားပွဲသို့ တင်ပြင်ခွေထိုင်ချလိုက်သည်…..*

ထမင်းဆိုတော့လဲ ထမင်းချည်းပဲ ပါးစပ်ထဲကောက်သွပ်လိုက်သည်…

*ဟဲ့နေဦး မစားသေးနဲ့ နင့်အစ်မခဏစောင့်ဦး*

ခဏနေတော့ အစ်မရောက်လာပါတယ် လက်ထဲမှာ
*အာလူးခြောက်ကြော် တစ်ထုပ်ကိုင်လာတာ တွေ့ပါတယ်*
ရဲနောင် ပျော်သွားသည်
*တော်ပါသေးရဲ့ ထမင်းချည်းပဲ တွယ်ရပြီထင်တာ
အာလူးခြောက်ထုပ်ပါတယ်ဟ*

မလှရီက အာလူးခြောက်ထုပ်တစ်ထုပ်အား ချက်ချင်းဆိုသလို
ပါးစပ်နဲ့ကိုက်ဖြတ်လိုက်ပြီး ဝေဘုံစုခွဲဝေပေးပြီး
ထသွားလိုက်ပါတယ်

*ဟ လှရီ နင်ရောစားလေဟာ*
တော်ပါပြီတော် မဆာသေးဘူးတော့ ရှင်တို့သားအစ်ဖတွေ အရင်စားနှင့်

ဒါကို ကိုကျော်အောင်သိသည် ပြောရင်လဲမရ ခေါင်းမာတတ်သူမို့ မလှရီကို ငေးပဲကြည့်နေမိသည်

ဪလှရီ လှရီ……ထမင်းရည်သောက်ပြီး နေဦးမလို့လား လှရီရယ်

ရဲနောင် ချက်ချင်းဆိုသလို မီးဖိုချောင်ထဲသို့ လိုက်သွားပြီး
*အင့်….အမေ*

အာလူးကြော် တစ်ခုကို အမေ့ရှေ့သို့ ထိုးပေးလိုက်သည်

အာ…ရှည်ကိုရှည်တယ် ငါ့သားက အမေက မဆာသေးလို့ သွားသွား ငါ့သားပဲစားလိုက်

*မရဘူး မရဘူး စားရမယ် စားရမယ်*

တော်ပြီလို့

*စားစား အင့်အင့်*

အေးအေး ငါ့သားစိတ်ချမ်းသာအောင် တစ်ဝက်အမေစားမယ် ဟုတ်ပြီလား ဖဲ့လိုက် တစ်ဝက်ဖဲ့လိုက်သား

*ချလွတ်*
ရဲနောင် အကြီးတစ်ဖဲ့အသေးတစ်ဖဲ့ဖြစ်အောင်ဖဲ့လိုက်သည်
*ရော့ အမေ*
တော်ပြီလေ ကြီးတာငါ့သားယူ သေးတာအမေ့ကိုပေး
*အွန်ဟွန်းးးမရဘူး မရဘူး
ဆိုပြီး အကြီးတစ်ဖဲ့ကို အမေ့ဆီ ထားပစ်ခဲ့ပြီး ထမင်းဝိုင်းဆီ ပြန်ပြေးလာပါတယ်

*ဟင် ငါ့ပန်းကန်ထဲ အာလူးကြော်တစ်ခုက ဘယ်လိုထပ်ရောက်လာတာလဲ မမ*
*ဟိုမှာ အဖေထည့်ပေးသွားတာ စားစား*
စားမယ်လုပ်တော့
အငယ်ကောင့်ပန်းကန်ထဲ လက်ကျန်မရှိတော့တာကို
ရဲနောင်မြင်သွားပြီး စောစောက အဖေထည့်ထားပေးခဲ့တဲ့ တစ်ခုကို ညီငယ့်ဆီကို ပြန်ထည့်ပေးလိုက်ပါတယ်

*ချလွပ် ဂျွပ်ဂျွပ်*
ညီငယ်စားနေတာကိုကြည့်ပြီး ရဲနောင်ကပြုံးမိသွားသည်
*ဟဲ့ ရဲနောင်
သူ့အဲ့လိုပေးလိုက်တော့ နင်ကဘာနဲ့သွားစားမှာတုန်း*
ဟာ ဒီမှာငါက
ဆိုပြီး အမေ့ကိုဖဲ့ပေးလိုက်တဲ့ အဖဲ့လေးတစ်ခု ထောင်ပြလိုက်သည်

*ဟျောင့်ရဲနောင် မင်းကျူရှင်မသွားတာ ဘယ်နှစ်ရက်ရှိပြီတုန်း*
ကျူရှင်က ဆရာမက နေမကောင်းလို့တဲ့ သားကိုပြောလိုက်တယ် အဖေ
ဟဲ့ ငါဖြင့် လမ်းမှာနေ့တိုင်းတွေ့ပါတယ်ဟယ် နင့်ဆရာမကို အကောင်းကြီးပါဟယ်
မသိဘူးလေ အမေကလဲ ဆရာမက သားကို အဲ့လိုပဲပြောလိုက်တာကိုး
နင်ကြာရင် စာနဲ့ ဝေးသွားလိမ့်မယ်
1 To 10စားမေးပွဲက ဖြေရတော့မှာမလား ဘယ်လိုလုပ်ကြမလဲအေ ဒုက္ခပါပဲ
အော် အတန်းBက ဆရာမ ကျူရှင်ဖွင့်တယ်မလား
သူ့ဆီ သွားတက်သွား
*ဟုတ်အမေ*
_______________
အမေ အတန်းBက ဆရာမဆီ ကျူရှင်သွားမလို့
အာ့…ကျူရှင်ခ
*အေးးဘယ်လောက်လဲ*
တစ်ရက်ကို ၁၅ကျပ်တဲ့အမေ
အေး..ရော့ရော့ ကောင်းကောင်းသင်ခဲ့နော်
******
ဆရာမ
*ဟေ…ရဲနောင်ကြီးပါလား ဆရာမဆီကျူရှင်လာတက်တာလား*
ဟုတ်ဆရာမ
*ဘယ်လိုဖြစ်တာတုန်း ရဲနောင် နင့်အဒေါ်ကမခေါ်ဘူးလား*
ဆရာမက နားမလည်သလိုအကြည့်နှင့် ကျွန်တော့်ကိုမေးပါတယ်
*ဟုတ် အဒေါ်က နေမကောင်းလို့တဲ့
လက်ကလေးပိုက်ကာ ကျွန်တော်လဲပြန်ဖြေပါတယ်*

*ဟဲ့ ကောင်းပါတယ်ဟဲ့ နင့်ဆရာမက
ပိတ်တယ်ဆိုတာက ရိုးရိုးကျောင်းသားတွေကို ပိတ်တာလေ ခုရက်ပိုင်း1To10စာမေးပွဲရှိလို့ 1To10တွေကို သီးသန့်သင်ပေးနေတာလေ ငါ့အတန်းက 1To5တောင်သူ့ဆီမှာလေ*

*နေပါဦး နင်က အဆင့်1မလား ရဲနောင်*

ဟုတ်ဆရာမ

*နင့်ကို မခေါ်ဘူးလား*

ဟုတ်ဆရာမ

*ဟောတော့*

*ကဲ ရောက်လာမှတော့ ဆရာမ သင်တာပဲ လိုက်ကျက်တော့ ဟုတ်ပြီလား ကဲ ထိုင်တော့
ဒီနေ့က Eng Meaningတွေ ကျက်ခိုင်းနေတာ နှစ်ရက်ရှိပြီ
တစ်ယောက်ကို၁၀လံုး၁၅လုံးဆီပဲ စာပြန်ရသေးတယ်
နင်လဲရ‌သလောက်ကျက်*

***၁၅***မိနစ်တိတိကြာသော်

ဆရာမ စာပြန်မလို့

*အော်…အေးအေး ပြန်လေရဲနောင်
ဆရာမက ကျွန်တော့်ကို မျက်လုံးကြီးပြူးပြီးကြည့်နေပါတော့တယ်*

*အမလေး အမလေး ၁၅မိနစ်လောက်လေးနဲ့
မီးနင်း တစ်ပုဒ်လုံးအလွတ်ကျက်သွားတယ်
အားလုံး၇၃လုံးရှိတယ် အကုန်မထစ်မငေါ့ပဲ စာပြန်သွားတယ် ငါ့အတန်းကဟာတွေနဲ့များကွာပါ့အေ*

*ဪ….အာ့ကြောင့် ရဲနောင်ကို ငါ့ကိုပေးလို့တောင်းတာကို
နင့်ဆရာမက မပေးဘူးလေ ဒါကြောင့်ကိုးး*

ရပြီ ကျူရှင်ဆင်းလို့ရပြီနော် ရဲနောင်
__________________
အတန်းပိုင်ဆရာမ 1To10တွေကို သင်‌နေတယ်လို့ကြားလို့ ဒါကြောင့် ကျွန်တော် လွယ်အိပ်ကလေးလွယ်ပြီး ဆရာမဆီထွက်လာခဲ့ပါတယ်
*ဆရာမ ဆရာမ ဆရာမ ဆရာမးးးးးးးး
ဘယ်သူမှကြားဟန်မတူ တံခါးကြီးလဲပိတ်ထားလို့ပါလား လှည့်ပြန်မည်အပြု……..

*စာအံသံမစဲ ကြားလိုက်ရသည်*

လွယ်အိပ်ကလေးပိုက် ကုပ်ကုပ်ကလေးပြန်
မျက်ရည်လေး ကလယ်ကလယ် ဘာကြောင့်လဲဆိုတဲ့မေးခွန်းတွေပဲ အထပ်ထပ်

နောက်၂ရက်နေရင် စာမေးပွဲ စ တော့မှာမို့
‌မလှရီ ပြာယာခက်ချေပြီ သူ့သားလေးခုချိန်ထိ စာမေးပွဲအတွက် ဘာမှမသင်ရသေးဘူးမဟုတ်လား
သားဖြစ်သူပြန်ပြောချက်အရ မလှရီ ဒေါသထောင်းကနဲထွက်သွားသည်
ညီမ ဝမ်းကွဲတော်စပ်သူတစ်ဖြစ်လဲ သားရဲ့အတန်းပိုင်ဆရာမဆီ မလှရီပြေးတော့တာပေါ့
ဆရာမက စာသင်နေသည်ကို မလှရီတွေ့လိုက်ရတော့
မျက်နှာကြီး နီရဲသွားပြီ

ဟဲ့ လှရီ
ဘာကိစ္စရှိလို့တုန်း

အော်…အစ်မကြီးပါလား ဒီလိုဒီအကြောင်းပဲ အစ်မကြီးရေလို့ မလှရီက ရှင်းပြတော့

*အင်းးးသူ့ကိစ္စဆိုတော့ ငါလဲဝင်မပါချင်ပါဘူးအေ
ငါကြားတာကတော့ ညည်းတို့က ပိုက်ဆံမတတ်နိုင်လောက်ဘူးထင်လို့တဲ့ သူက ဒီ1To10ကြေးကို သပ်သပ်ယူတာတဲ့ အခုကျူရှင်လခကိုလဲ မလှရီတို့က
မပေးရသေးဘူးလို့ ပြောတာပါပဲအေ*

*အစ်မကြီးရယ် အမျိူးအချင်းချင်း‌ေတွကိုတော်
ကိုယ့်ညီမအတန်းရောက်လို့ အားကိုးရမလားမှတ်တယ်
အချင်းချင်းတွေ လာနှိမ်နေသေးတော်ရေးးးးးးး*
လို့ ဆရာမ ကြားအောင် မလှရီအော်ပြောလိုက်ပါတော့‌တယ်
_____________

စာမေးပွဲဖြေမယ့်နေ့

*ကောင်းကောင်းဖြေခဲ့နော်သား ကြားလား
မလှရီ သားလေးကို သနပ်ခါးတွေ ဖွေးအောင်လိမ်းပေးနေရင်း တစ်ဖွဖွမှာနေလေ၏*

*ဟုတ် အမေ*

အဲ့ဒီနှစ်က ကျွန်တော်အကောင်းဆုံးကြိုးစားပြီးဖြေခဲ့ပါတယ်ဗျာ

ပထမ ဒုတိယ တတိယဆုတွေ ကြေငြာ‌မယ်ဆိုတော့

***ဟယ်တော် ရဲနောင်ကြီးလို့ပြောပြီး ဆရာမက
ကျွန်တော့်ကိုကြည့်နေပါတယ်***

ကျွန်တော်လန့်သွားပါတယ် ပြုတ်ပြီထင်ပါရဲ့

*တတိယဆုကိုတော့

ရဲနောင်ရဲနောင်ရဲနောင်ရဲနောင်လို့
တစ်ခန်းလုံးဝိုင်းအော်ပါတယ်

ကျွန်တော်မဟုတ်ခဲ့ပါဘူး*

ဒုတိယဆုကို

ရဲနောင်ရဲနောင်ရဲနောင်ရဲနောင်လို့ ဝိုင်းအော်ကြပြန်ပါတယ်

အဲ့ဒါလဲကျွန်တော်မဟုတ်ပါဘူး

ပထမ……ဆု

ရဲနောင်ရဲနောင်ရဲနောင်ရဲနောင် မတ်တပ်ထရပ်တဲ့လူတွေကရပ် အခုလိုအော်နေတဲ့လူတွေကရှိသေးတယ်
အာ…ဆရာမ ရဲနောင်ကိုပေးလိုက်တော့ ပေးလိုက်တော့ဆရာမ
ခုံတွေခေါက်တဲ့လူကခေါက်နဲ့

***ကဲကဲကဲ တိတ်ကြတော့ အားလုံးတိတ်ကြစမ်း***

တစ်ခန်းလုံးဆူညံနေပေမယ့်
ကျွန်တော့်မျက်နှာ ဇီးရွက်သာသာ
မျက်နှာငယ်ငယ်နဲ့ ကျွန်တော့်ကို သူငယ်ချင်းတွေရဲ့အကြည့်တွေရောက်လာပါတော့တယ်
တိုင်ပင်ကိုက်ထားသည်အလား တစ်ခန်းလုံးငြိမ်ကျသွားပြီး ကျွန်တော့်ကို အားပေးစကားမျက်လုံးတွေနှင့်
သနားနေသော မျက်လုံးများကတစ်ဖုံ ကြောင်အမ်းအမ်းမျက်ဝန်းတွေကတစ်မျိူး စုပုံကျရောက်လာခိုက်…..

*****ရဲနောင် ပထမ*****

ဆရာမ ကြေငြာသံအဆုံးးးးး
****ဟေးးးးးးး*****

အကယ်ဒမီပေးပွဲအလား သူငယ်ချင်းများကဝိုင်းဝန်းဂုဏ်ပြုလိုက်ကြပုံများးးးးးးးးးးး

၁ #ကြိုးစားမှူရဲ့ရလဒ်
၂ #ရွှေရှိမှမျိူးရှိမယ်
၃ #ကိုယ့်ဒူးကိုယ်ချွန်ပါ
၄ #မိမိဟာမိမိပြိုင်ဘက်ပါ
#Mue